Membru PN-BESI-TL ba Prevensaun COVID-19 iha Munisipiu Liquisa, Viqueque no Manufahe


Aktividades hirak ne’ebe mak ekipa hala’o iha Munisipiu Viqueque mak hanesan iha Suku Babulu, Aldeia-Liasidi, ekipa F-HTL hanorin komunidade sira maneira oinsa kria rasik fasilidades fase liman ho manual no la iha gastus ba material /osan, tamba uza material ne’ebe mak iha ona, hanesan : masa Litru 5 Bimoli nian, tali no ai hodi hari no sama para bee bele fakar ba liman, tamba hare ba komunidade sira nia preokupasaun hanesan :

1. La iha osan atu hola balde

2. Halo jestaun ba bee Tamba iha fatin refere komunidade la asesu bee ho diak.

3. Eskola EBF Irabin de Baixo, sintina ne’ebe iha labele utiliza tamba deit bee/kanu nebe kanaliza mai eskola kotu. No Eskola nakonu ho foer.

4. Tuir observasaun ne’ebe ekipa KHC sira hetan durante halo atividade ba prevensaun Surtu COVID-19 iha Munisipiu Viqueque maka, iha suku uma Uain Ki’ik, komunidade sira liu-liu inan feton sira la implementa fase liman ho bee moos tamba sira konsumu deit bee husi mota no persiza lao ho distansia kuaze metro 200 resin hafoin to’o iha mota hodi kuru bee hodi konsumu no utiliza ba sira nia nessesidades lor-loron.




( Fontes : Img. KHC, Mun. Viqueque. 2020 )

Iha Parte Liquica, Membru Rede Fundasaun Hafoun Timor-Loro Sa'e (F-HTL ) no mos Grupo Feto Foin Sa'e Timor-Loro Sa'e ( GFFTL ).
Hala'o Aktividade iha postu Liquisa  suku Hatukesi, aldeia Nubrihati, Bairo Nakamutu, 
Iha komunidade balun ne’ebe mak fase liman uza deit rinso plastiku, no iha loron 12 fulan maiu GFFTL halo kampaha ba prevensaun COVID-19 liu-liu kona ba halo ditansia sosial, fase liman ho sabaun iha tempu saida de'it no uza maskra, GFFTL apoiu material balun hanesan : Maskra no sabaun, antes komunidade sira atu simu material, no material hirak ne'ebe maka atu distribui ba komunidade, dahuluk sei habai iha loron manas liu oras ida hafoin distribui fahe ba komunidade sira.
( Fontes : Img. Ekipa GFFTL, Mun. Liquisa. 2020 )
Fundasaun Hafoun Timor-Loro Sa'e ( F-HTL ) hala'o sira nia atividade ho maneira entrega Toa ba Postu saude darulete no kontinua kedas ho atividades kampaña, hodi fahe informasaun kona ba surtu COVID-19, moras dangue no reativa fila fali fasilidades fase liman iha Aldeia 4. iha biban ida ne’e hetan mos partisipa husi CHC munisipiu Liquisa.

( Fontes : Img. Ekipa F-HTL. Mun.Liquisa, 2020 )

Organizasaun Luta ba Futuru ( LBF, LBM no FAS ) Manufahi, durante iha estadu Emerjensia :
1. Ekipa Hola tanke desinfekta 5, Bayclin litru 4, balde 4 inklui fasilidadea fase liman ba postu saúde sira. 
2. Halo preparasaun ba fatin karantina iha munisipiu Manufahe 
3. Sosializa Informasaun ba Komunidade, hamutuk ho Pessoal Saúde sira mós halo Simulasaun ba ekipa Taskforce sira kona ba Pratika Fase Liman, Uza Roupa Safty/Roupa Seguru inklui material Disinfekta. Iha sosializasaun ne’e hetan partisipasaun husi, Administrador do Postu, Diretóra da Saúde Manufahi, Xefe Do Suco Babulu, OPS, Media.

Iha loron 17/04/2020 Ekipa Comisaun Tékniku COVID 19 Manufahi, hahu halo lansamentu ba Desinfekta Iha Kapital Munisipiu Manfahi, iha Lansamentu ne’e mós Luta ba Mudansa, Apoiu mósTanke Disinfekta 2 ba Comisaun Tékniku Disinfekta,ni hahu kedas membru Comisaun sira halo Disinfekta Fatin Publiku sira hanesan Merkadu, Loja, Transporte Públiku sira.

06/05/2020 Sosiedade Sivil ne’ebé mak Kompostu husi Luta ba Mudansa, Fundasaun Luta ba Futuru, Feto Asaun Sustentabilidade, entrega Tenke Prifill 6, Tanke Disinfekta 15, Sabaun Dos 7, Bay Cline dos 2 no Assesores Seluk ne’ebe mak hodi bele instala Tenke Profile, hodi Distribui ba Postu 4 hanesan : 
  1. Fatuberliu
  2. Alas
  3. Same
  4. Turiscai
kada postu ida hetan 2, Organizasaun F.LbF. LbM, FAS ne’ebe mak hetan Apoiu Husi WaterAid Timór-Leste hodi halo Prevensaun COVID-19 iha Munisipiu Manufahi.

1. Entrega Tanke Perfil, sabaun no material desinfekta ba postu 4

2. Sosializa Informasaun ba Komunidade,
( Fontes : Img. LBF. Mun. Manufahe, 2020 )


OBSERVASAUN JERAL
PARTE POZITIVU
  • Entidade hotu iha munisipiu no Komunidade em Zeral iha Inisiativa forte hodi halo Kontribuisaun servisu .
  • Maioria fatin Públiku sira iha Munisipiu no Komunidade nia Uma kuaze iha ona fasilidade fase liman.
  • Entidade Relevante Sira foku no Investe iha Seitor Bee, Saneamentu no Ijiene.
  • Media hotu-hotu inklui Media lokal sira iha Munisipiu kuaze iha programa espesifiku relasiona ho aktu prevensaun sira konaba COVID-19 hodi eduka komunidade sira atu hatoman aan moris ijiene. 

 Parte Negativu/dezafiu

  • Limitasaun rekursu finanseiru no materiais ba Entidade hirak ne’ebe servisu ba prevensaun no mitigasaun COVID-19 iha Munisipiu sira.
  • Kondisaun Estrada ne’ebe mak aat difikulta atendementu publiku.
  • Mudansa Klimatika ( udan ) difikulta movimentu Ekipa sira hodi halo prevensaun no mitigasaun iha munisipiu no mos iha Postu. 

 Issu Importante Seluk

  • Ekipa Taks Force iha Munisipiu laiha Despasu Formal ruma hodi kria Ekipa ba Prevensaun no Mitigasaun COVID-19 iha Munisipiu sira.
  • Komunidade sira Uza Maskra, Fase Liman tamba ta’uk entidade relevante/Seguransa.
  • Entidade Relevante hanesan Pessoal seguransa (Polisia) sira halo tuir regulamentu hodi bandu komunidade atu labele uza masakra no hambrik hamutuk hodi kontaktu fiziku, maibe sira rasik la uza maskra no kontinua hamrik hamutuk, fuma sigaru ho distansia ne’ebe besik malu.
  • Maioria Edifisiu publiku iha munsipiu sira hanesan, Eskola, Sentru Saude no Klinika sira falta Bee moos. Exemplu hanesan Sentru saúde iha Postu Viqueque villa, total Sentru saúde 10, maibe 2 deit mak assesu ba bee mos. No Eskola iha Munisipiu Viqueque hamutuk 32, maibe 10 deit mak iha assesu ba bee.
  • Maioria Komunidade suku no aldiea sira iha munisipiu la aseu ba Bee moos, at liu tan konsumu Bee merak no Udan Been, maluk inan feton sira sei nafatin Vitima hodi kuru Bee matan iha mota ho distansia metro 300.
  • Komunidade seidauk iha toman konaba oinsa fase liman bebeik ho bee no sabaun.  

 Melloramentu

  • Haforsa Koordenasaun servissu ne’ebe efetivu ho Munisipiu sira.
  • Hadi’a sistema Finansiamentu.
  • Kontinua halo sensibilizasaun ba publiku liu husi sosializasaun no edukasaun sivika ba iha komunidade nia leet.
  • Garante fornesimentu bee ba komunidade sira inklui Sentru Saude, Eskola no Klinika sira.
  • Haforsa sistema kontrolu ba sistema distribuisaun bee no tanki bee iha fatin publiku sira hodi fasilita kampanha Ijiene pesoal nian.
  • Haforsa servisu parseria ho ajensia Int no ONG Nasional, Midia no entidade hotu sira hodi servisu hamutuk ba kombate surtu Covid-19 iha Timor-Leste no mundu.



Plataforma Nasional Bee Moos,Saneamentu no Ijiene Timor-Leste
(PN BESI TL)
 2020